بوورصه الخضراء part 3

السلام عليكم ورحمه الله وبركااته
السمووحه اتااخرت في تنزيل هالجزء
بوورصه الخضراء

المدينة بورصة ،تقع في المنطقة الجنوبية الشرقية من بحر مرمرة، يطل عليها جبل ( أوليمبوس من ميسيا، 2,443 متر) تشتقّ المدينة اسمها من مؤسسه بروسياس، ملك بيثينيا. فتحها السلطان أوران غازي في 1326م ، واصبحت اول عاصمة للإمبراطورية العثمانية.بها العديد من الاثار العثمانية المهمة . تشتهر باسم. " بورسا الأخضر " ( بورصه ) وهي منطقة جميله جدا جدا وبها الجبل الاخضر يرتفع عن سطح البحر 2500 متر


طلعنا من اسطنبول بالعباارة الى بوورصه الرحله كانت حلووة وتقريبا المسافه ساعه االا ربع وهااي العباارة حجمها كبير وتحمل معاها السيارات والباصات مثل ما وااضح في الصوورة

وبصراااحه واايد شفنا خليجين وعرب في بوورصه
وصلنا الفندق كنا حاجزيين في

Tugcu Hotel

هااي في الفندق محطيين فيها سمج
وهو ايضا فندق 4 نجووم وما عليه كلام غييير انه الكهربا بندت عنهم على اخر يوميين لفترة قصيرة طبعا يعني في المنطقه المجااورة بعد بس انا استغربت انه تبند عن الفندق المفرووض يكوون احتيااط

كاان جداام الفندق شي مووول كل يووم نسير له من الملل
هاااي صوورة الموول من البلكوونه

عندهم كاارفوور بس صغيير

واليهاال ما صدقووا شاافوا العااب


وهذيلا اطفاال اترااك شاافوا اعياالي يلعبون بي اس بي وجاان يلحقوونا قلت لهم بصووركم جاان يعطووني هالوضعيه هههه

بصرااحه ضيعنا اياام واايد في بوورصه لانهم قالو لي في المنتدياات يباالها 5 اياام وهي واايد عليها 3 اياام
رتبنا رحله من عند واحد في الفندق ليووم كاامل
الرحله كاانت زيارة للقريه العثمانيه القديمه -الشجرة التاريخيه- ومناحل العسل- وشلال -وسوق الحرير والمسجد الاخضر- واخر شي حديقه الحيوان
اخذنا البااص ومعانا المرشد



القريه العثمانيه يبن الجدوول وهو يجري وسطها


المرشد هو شاب ما اعتقد عمره في العشريين واصله من سوريا من منطقه انطاكيا الي اخذتها تركيا من سوريا فبتالي هم عرب كانوا ساكنيين في سوريا ولما اخذتها تركيا صاروا تبع لتركيا خخخ وكل المرشديين بتشووفونهم صغاار يحتكوون بالعرب وعقب تعلمو العربيه







وهذا المطعم في وسط القريه اتيلسنا خذنا لنا خفايف


هااي كانت ياالسه تبيع شي ما اتذكرة جاان ترمسني بالتركي وانا؟؟؟؟؟؟؟؟
قلت اصوورها احسن

والقريه العثمانيه
هي عبارة عن قريه من اياام العثماانيين قديمه جدا بس هم حااليا غيرووها ويمر من خلالها جدوول مااي ينبع من قمه الجبل وبصرااحه في تركيا بتشووفوون براادات ميااة في كل مكان وخااصه بوورصه لانه عندهم قمه جبل اولداغ الي تنبع منه الميااة العذبه ويكوون باارد جداا لانه قمه الجبل ثلج

وبعديين اخذنا لفه والطريق بصرااحه وعر علشاان انشووف مزاارع العسل ومن هناال اشترينا العسل والي طبعا تكلم عنه صااحبه بانه مفيد للبلغم والكحه وامرااض القلب وفااخذنا منه


وبعديين كملنا الطريق الى على قوولته شلال
^
^
^
^
^
^
^

طلع شليل خخخ تصغير شلال صغيرووون





والنااس اهنااك يسبحوون تحته ما ادري كيف المااي بااارد بس ماشااء الله على اليهاال مستحمليين
والجوو كاان اهنااك لطيف ومنعش شي مطعم هنااك ترووموون تاكلوون والمااي يجري تحتكم ما صوورت مكاان الطااولات بس رووعه احنا ما يلسنا لانه كنا فل ومب يوعاانين
وكملنا الرحله
سرنا الشجرة المبااركه التاريخيه على قوولتهم
هي شجرة قديمه جدا وهي طبعا معمرة وحجمها جدااا كبير اقصد ضخمه
وماشاااء الله مظلله المكاان كله ومسووويين تحته يلسه شراات الكووفي
ويلسنا هنااك واستمتعنا بالشااي التركي والفوواكه





هاااي معلوومات عن الشجرة

وهااي عقب ما خلضصنا من الشجرة البسطاات موجوودة حوالين المنطقه يبعون فواكه




وطبعا مسووويين شرات الشلال صغير صناااعي والمااي يطلع منه بااارد واليهاال ما صدقووا يلسووا يلعبوون فيه ويسووف ما قصر
يا حبهم للمااي

وبعديين خذونا لسووق اسمه سووق الحرير




وشي جداامه المسيد الاخضر وهو مسجد قديم في بوورصه وجداام هنااك شي ضريح لمؤسس بورصه

المسجد الاخضر ما صوورت من دااخللانه كان شي ترميم اعتقد سمووة بالاخضر نسبه لبورصه الخضراء ولانه من دااخل كله اخضر وهوو مسجد قديم جدا وماشااء الله الله شغل عدل
هذا الضريح احنا ما سرنا لانها قبوور فريلي هو المصوور




هااي وحدة من برادات المااي المنتشرة في بوورصه
والمااي باارد يبرد علينا من حرارة الجووو

وعقب سرنا حديقه الحيووانات حديقه حلووة ومرتبه اليهاال استاانسووا شووي هنااك


شووفوو الجمل شوو متنه تعرفوون حتى ما يقدر يووقف لانه متيين تمينا نقاارن بين جمالتنا يحليهم مال الصحراء صدج
وردينا الفندق هلكاانيين من التعب
وطبعا سرنا الموول اتعشينا



ومنو خااطرة بتركش
من كوفي في المول

صااار لنا مووقف ويا بلاكات الكهربا هنااك ما قدرنا نشغل الاب تووب لانه البلك ماللهم غيير عن مالنا مع اني ماخذة احتيااط بس بعد ما ركب نزلنا حوالينا بوورصه ندوور ما حصلنا وعقب واحنا محتااجيين لالاب ضروري لانه بااجي لنا حجز يباله تاكيد اخترع ريلي هااي الطريقه محد يجربها لانها خطرة واشتغل الاب ههههه لوو شافوونا مال الفندق كانوا بيغرموونا لانه كاان يشووط شوووي

فكرة ذكيه هههع






هااي صوور من الالعااب


الرحله الثاانيه في بووورصه كاانت لقمه جبل اولدااغ منبع المااي عندهم وتكوون قمته مغطااء بالثلووج في الشتاء وعلى حظنا كاان بااجي بقاايا فما تعبدنا لابلعنااء واكتفينا بالووصوول الى المرحله الاولى
الصعوود يكوون بالتلفريك على مرحلتيين الاولى تروومون تشووفون فيها بووورصه م اعلى الجبل وفي مطااعم هنااك
والثاانيه للووصوول للقمه عند الثلج لانه في الشتاء يكوون مغطى بالثلج فتصير فيه مسابقاات التزلج على الثلج
المهم مع انا كنا فووق اليبل الا ان الجوو ما اتحسن
التلفريك يتسع الى تقريبا 20 شخص ومب متطووور
نفس الي في النمسا
اعتقد في خطه لتحسينه
واغلب الي يكوونون في التلفريك هم اترااك سااكنين في القمه فهو عباارة عن وسيله نقل لهم وهذا الي مسووي زحمه
التلفريك للمرحله الثانيه القمه يكوون اصغر وخااص اعتقد


الرحله بدات في الصبااح البااكر تجنبا لازدحاام اووونه بس كاان قبلنا طااابوووور
ووشفنا وااايد عرب في هااي الرحله وخااصه عراااقيين وومن مصر

هالمنظر من التلفريك

هذا المدخل عقب ما وصلنا التلفريك شي محل تشتريين منه تذكاارات واو شاالات للبر اوونه ههه احنا كنا حراانيين اشترينا مرااوح خخخ

منظر من القمه لبوورصه

ولما كنا في الغابات شفت حرمه وريلها اترااك يدوورن شي قلت لها شوو تسوون جاان تروويني البلاك بيري مب الفوون الفروت ههه يحليها جاان تعطيني شووي جاان اقوولها تشكراات

الصعوود متعب للقمه وخااصه انه عندنا اصغااريه تعبووا بس المنظر كاان رووعه والمكاان بعد حسيت جي كنا دااخليين غابات من اشجاار الصنووبر والمكاان رووعه من اغصاان الشجر ما حطيت واايد لانه كنا دااخليين في معظم الصوور بس كاان المكاان حلوو

هاااي صوورة وحدة من قمه الجبل ومبين حموودي وميوود ومحطيين سيااج بس
ولا المكاان عاادي تطيح منه يخووف

وعقب شفنا هالمطعم هههه شووفووا نص الصوورة بس لانه حموودي المصوور خخخخ

وهااي من الداااخل يعطووونج قطع من اللحم والديااي مع التتبيله ويلا ياا شوووي

هاا اللحم والديااي قبل الشوووي

مع الشوووي والله على الدخاان خنقنا

وهذا البابا يقلب الحمه

وحموود وميوود يشااركوون في الشوي

وحنا مخلصيين جاان نشووف الخيوول واعياالي بغووا يركبوون وخذوا لفه

في وحدة من الرحلات كان من بينهم رحله للمتحف التاريخي في بوورصه

هااي الافته

وهذا المدخل وهو عباارة عن مدرسه فيها شرات الصفووف وفي كل صف نفس المحرااب نفس المسيد وفيه اشياائهم القديمه من كل شي المصااحف والملابس وادوات الاكل والزينه والسجااد ..الخ
ماشاء الله مصحف حجمه كبير وقديم

هذا لبس العرووس كااشخه هههه بس بصرااحه متطوورة على هااذيج الاياام
^ ^ ^ ^ ^ ^ ^ ^ ^ ^ ^ ووووو خلصنا من بووورصه طبعا احنا ما سرنا الحمامات وهي من اهم الاشياء في تركيا وبوورصه فيها واايد
الجزء الي بعدة اوزنجول البااردة واخيرا براااد هههع