CLICK HERE FOR THOUSANDS OF FREE BLOGGER TEMPLATES

بحث هذه المدونة الإلكترونية

الخميس، 28 أكتوبر 2010

اوزنجوول.....وباي باي تركيا




مرحبا واخيرا بنخلص التقرير ان شااء الله يكوون عيبكم

بعد ما سوينا شيك اووت من فندق توغو في بوورصه ركبنا البااص للرجووع الى اسطنبوول عن طريق العباارة
ووصلنا اسطنبوول على طوول الى المطاار وهني صاار في خطا من عند الساايق المفرووض ياخذنا مطار اتاتورك هو نزلنا في مطار اسطنبوول
دخلنا المطاار وندوور ما حصلنا مكان الطيارة سالنا السيكوورتي قالنا انه هذا مب مطاار اتاتورك واتصلنا بالريال وخبرنااة رد لنا يحليله وكاان مستعيل واحنا نقووله عاادي شي ووقت وهو يتحرطم بالتركي ههع


هااي صوورة مطار اسطنبوول بس ما صوورة اتاتورك

انزيين وبعديين وصلنا المطاار بصرااحه خدمااتهم تعباانه يووم وصلنا عند التشيك اختربت الكمبيوترات وملو الصغااريه ولعووزنا لانهم اتااخروو وحتى ولا اعتذروا ولا شي
ركبنا الطيران التركي الداخلي متجهين الى طرابزون في الشمال التركي


اعياالي واايد اتحرطموا من الطياارة هههه

هااي الصوور من الطيارة

الرحله كاانت متعبه واستغرقت اليووم كاامل وكنا مرهقيين يوعانين
الفندق هوو
Novotel Trabzon 4-stars hotel



وصلنا الفندق طلبنا لنا عشاء وعلى طول رقدنا





بعد ما وصلنا الفندق وهذا العشااء الي طلبناة

من بحثي في المنتديات قالو انه لازم انزل في طربزوون وانها مدينه راائعه انا اقووول حرااام انضييع ووقت فيها
لانه ترتيبنا كاان 4 ايام فيها وكلها ضااعت هبااءا منثووورا
ما فيها شي وكاانت حاارة و
الموول بعيد عنا لازم نااخذ تكسي


يسووفي كان تعباان فديته ورقد



وتبين اطلاله الفندق هااي طرابزوون

يعني بصراااحه تندمنا انه تمينا في طرابزوون ابدا ما فيها شي
مره سرا الموول اتغذينا ولعبنا الصغااريه وبعدين شاافوا سااحه التزلج وااول مرة يدخلونها ودخلنااهم وطلبنا يكونون معااهم لانهم مبتدئيين واليهاال استانسووا

هاا في الموول الصغاريه ركبو القطار في الموول وانا استغليت الفرصه سرت اتشرى خخخ



اخر يوم في طرابززون وصلنا البااص الصبح واتجهنا الى اونجول وهي عباارة عن قريه محااطه باشجاار الصنووبر وتتوسطها بحيرة
نفس زلامسي بس الفرق انه غير متطوورة والفنادق عباارة عن اكوواخ بس
وكنت اقرا في النت عنها بانها اوزنجوول البكر اوونه


من قمه الجبل يبن جاانب من البحيرة

المهم هي في منطقه مرتفعه والطريق يقولون خطر انا شفته عاادي تكمن الخطوورة في في التعديلات في الشاارع اعتقد لانها لانها منطقه جبليه فتكوون الصخوور المتسااقطه هي الخطر ففي الشاارع في واايد تحويلات للتعديل وطبعا سوواقه الاترااك هي الي تلووع شووي كلها بريكاات


وصلنا اوزنجول في فترة الظهر جاان انصدم حر بس قلنا ما بنستعيل وبعديين انصدمنا من الفندق واايد صغيرة الغرف حتى يالله حصلنا مكاان للشنط والحماام السخاان مب شغاال اللا في الليل والمااي طوول اليووم باارد ثلج خخخ
واهم شي مااشي مكيف

هذا الفندق الصورة من النت الفرق حاليا لونه بني









نستكشف البحيرة واوزنجول







هالولد التركي ما يبا ولدي يلعب جاان نووقف له بالمرصااد هههه وحليلها البنت تداافع عن ميوود


هالاولاد من السعووديه ويانا في الفندق بغوا يلعبوون الب اس ابي

في كل غرفه شي بلكوونه والجوو يكوون رووعه والنسماات البااردة تدخل علينا خخخ الله على اللغه العربيه
اوزنجول بصرااحه تستحق الزياارة





صورة من بلكونه الغرفه


حموودي يصوور الشلال واحلى وضعيه ههه


واايد استمتعنا بالشلال وبالبحيرة واليلسه حوالينها ترااة منطقه طبيعيه ما فيها نشاطات للرااحه والهدووء وجووها واايد بديع
حوالين المنطقه تشووفوون منتشرة اشجار الذرة والفاصوليا






هااي ريل يسووف يبا يلعب بالمااي


وماشاء الله على العرب في اوزنجوول بكثرة في كل مكاان نشووفهم وخااصه خلال فترة سفرنا سمعنا ان اكثر السفراات كانت لتركيا
وكاانت شي ازمه سكن


تروومون تركبوون السيااكل الدراجات الهوائيه علشاان تتمشوون حوالين البحيرة ولدي تم يصيح يبا يركب بس الدراجاات كانت للكبار ما شي للصغاار




اممم ااكل عندهم مب شي دووم كنا نطلب سلطه وشووربه وجربنا الكفته الي يمدحوونها احس ما فيها نكهه حلم ومشووي بدوون تتبيله ولا شي






هااي صوورة من من الفندق




البط على البحيرة






هذا الريوووق نصحونا ما نتريق من الفندق طلعنا ندوور فندق على الساعه 12 احلى شي الريووق يمي والجبن لذيذ






هالرياال يقلي بطاطا حلقاات عند مدخل الفندق واليهاال بغوا منه





وبعد ركبنا الحنطوور يمشينا في المنطقه وخذانا لشلال يبعد 10 دقاايق عن البحيرة بس ما صوورت لكم لاني كنت نااسيه الفوون
وخووفنا الحنطوور لانه ركبت انا ويسووف واعياالي وجاان يتحرك بدوون الرياال ما ادري وويين بسير وكان بيدعم السياارة ولدي واايد خااف بس الرياال سيطر على الووضع وتم يضحك على اشكالنا اوونه عاادي ما يخووف
اقوولج كيفك انه متعوود احنا مووب مب متعووديين على الخيوول وخباالهم





هالكلب سوو لنا رعب في اوزنجوول يتمشى حولين البحيرة على رااحته شووفو حجمه يخرع بصرااحه واايد صاارت لنا موواقف منه هههه

ميوود يقطع الوورد ويهدي الماما والبابا كل شووي فديته



طبعا لابد من الشااي التركي وشووفوا الصغااريه يطالعوون اعماارهم ويسوون حركاات خخخ

على اخر يوم في اوزنجول شفنا دفتر الملاحظات للناس يوقعوون فيه وشي واايد عرب كااتبين فيه والي لفت انتبااهي توقيع الشيخ العريفي ومديحه للمنطقه



خذنا البااص وووصلنا المطار لاسطنبول لمرة الثانيه وتميين فيها يومين وكاان يصاادف اوول يوميين من رمضاان
سكنا في تقسيم هالمرة في هذا الفندق مستواة 5 نجووم بس انا اشووفه 4 نجوم

Elite World Istanbul Hotel 5-star hotel








وهذا المسبح من الملل في فترة النهار خذنا اليهاال يسبحوون

بس لانه النهاار عندهم طوويل والمغرب ياذن الساعه 8 وثلث المغرب




هالفطوور في وااحد من المطااعم في تقسيم طبعا الاحتفالات الرمضانيه كاانت في تركيا في منطقه سلطان احمد

ما سرنا مكاان غير شارع الاستقلال وميداان تقسيم






هذا ميدان تقسيم الصوور مب وااضحه من تلفووني


وامم وسرنا الجراند بزاار علشاان نتشرى وبس


وعقبها ردينا لبلادنا الحبيبه الامارااات
كنا صاايميين واحنا راديين البلاد وبصراااحه واايد انصدمنا من العرب اوونهم على سفر وفااطريين عيني عينكم يااكلوون جداام النااس واوونهم مسلمين الله يستر عليهم وعلينا
في الطياارة فطوورنا بتمر ومااي اوول شي وعقب حطوو الووجبااات






مدخل مطاار اتاتورك باي باي تركيا

في انتظاار الطيااارة


احلى رمضاان يكوون في بلادكم ويا الاهل مب في بلاد الغيير

وخلصنا اخيرااا وااايد تعبت الله يعطيني العاافيه المهم التقرير يعيبكم




11 التعليقات:

ناعمة الهمس يقول...

حمدالله على سلامتك

من جديد

تركيا دولة عجيبة بجوها و بشعبها

رورو الشخبوطه يقول...

مشكوره ع التقرير..

daloo3a يقول...

والله شي طيييب

معلمومة يوم تآكلين و ترقدين تمتنيين يعني حاسبي مب تآكلون و بعدين ترقدوون ترا تمتنوون خخخخخ

و الصراحه ولدج يوم يصور الشلاال مصور ولا اروع حبتييين والله =)

و بعدين لو انا شفت هالكلب اسبوع ماراح اطلع يخوف


بس رحله حلوه ^^

=)

cutemum يقول...

نااعمه الهمس
الله يسلمج حبيبتي

cutemum يقول...

رورو الشخبوطه
العفو الغلا ومشكوورة على المتاابعه

cutemum يقول...

دلووعه
اوول شي المعلوومه ما تنفع معااي دووم اكل واناام ولا ازيد كيلوو خخخ ترااني اعااني خااطري امتن ههع

وفديت حموودي يحب يصوور الله يحفظه بس الوضعيه عجيبه خخخخ
يسلموو على المروور

مهرة سالم يقول...

السلام عليكم...
لا ماشاء الله عليج
تقارير وايد حلوه ومفيده وعيفتينا بتركيا وقررنا نسير تايلند...
...
وحليلهم الصغاريه احس يتسلون بأي شي جدامهم...
بس حلو إنكم جربتوا اشياء يديده وتمت ذكريات للصغاريه ..
...
وطبعا من رديتي من تركيا وأنا اتريا صوره وحده وأخيييييرا حطيتيها وما بقول اي صوره :)
...
أن شاء الله تمتعينا بسفرات حلوه يديده ..
في امان الله

cutemum يقول...

هلا عزيزتي نهاار
يووم بتسيروون تايلاند خذووني ويااكم خخخ
ومم واي صوورة لازم تخبريني ؟؟

غير معرف يقول...

الله يعطيج العافية على كل تقاريرج
وفي النهاية لكل سفرة ذكريات
والسفر حلو
محبتكم أحلى أم

purpleyah يقول...

حطمتيني كنت وايد حابه اسير اوزونغول على كثر ما قريت عنها بس زين سويتي يوم كتبتي التقرير عسب احط في بالي ،،، شكلي بشد الرحال لزيلامسي

المتفأله يقول...

الحمدلله ع سلامتكم
عقبالنا ان شاء الله اروح تركيا
بس بشري المكان نظيف لان اختج جزازه خاصة الحمام الله يكرمج